Divisional Secretariat - Horana

දරුවන්  200ට අඩුවෙන්  සිටින පාසල් වල රජය මගින් ක්‍රියාත්මක කරනු ලබන පාසල් දිවා ආහාරය ලබාදීමේ වැඩසටහන

හොරණ ප්‍රාදේශීය ලේකම්  කොට්ඨාසයේ ඇතැම් පාසල්වල , ආහාර සැපයුම්කරුවන් වෙනුවෙන් ලබාදෙන මුදල ප්‍රමාණවත් නොවීම හේතුවෙන් නැවතී ඇත. ඒ අනුව හොරණ ප්‍රාදේශීය ලේකම් කේ. ඩී. එස්. සජීවනා මහත්මියගේ මෙහෙයවීමෙන් හා සෘජු අධීක්ෂණයෙන් ළමා හා කාන්තා ඒකකයේ සම්බන්ධීකරණයෙන් ,එසේ හඳුනාගත් පාසල් තුනක් සදහා අනුග්‍රාහකයින්ගේ දායකත්වයෙන් මෙම වැඩසටහන නැවතත් ආරම්භ කරන ලදී.

-  කරුණා භාරය පදනමේ සභාපති මහින්ද කරුණාරත්න මහතාගේ අනුග්‍රාහකත්වයෙන් 2022.06.28 දින සිට බටුවිට බප/හො ටී. එම්. පෙරේරා විද්‍යාලයේ දරුවන් 95 දෙනෙක් සඳහා හා  2022.06.29 දින සිට බප/හො උඩුව කනිෂ්ඨ විද්‍යාලයේ දරුවන් 108 දෙනෙක් සඳහා  පෝෂණීය කොළ කැඳ වීදුරුවක් ලබාදීම ද

- 628 පහල මිල්ලෑව දකුණ සංවර්ධන නිලධාරි වයි.ඩී. ඩයනා කුමාරි මෙයගේ විදේශ ගත මිතුරියකගේ අනුග්‍රාහකත්වයෙන් 2022.07.25 දින සිට කොටිගංගොඩ බප/ හො සුභාරතී විද්‍යාලයේ දරුවන් 63 දෙනෙකු සඳහා දිවා ආහාරය ලබා දීම ද සිදුකරනු ලබයි

හොරණ ප්‍රාදේශිය ලේකම් කාර්යාලයේ සමෘද්ධි සහනාධාර නාම ලේඛනය ග්‍රාම නිලධාරී වසම් මට්ටමින් පහත සබැඳිය(Link) හරහා පෙන්වා දී ඇත.

මෙම ලේඛනය සම්බන්ධයෙන් ඔබ හට යෝජනා ගෙන ඒමට අවශ්‍ය නම් ප්‍රාදේශීය ලේකම් කාර්යාලයට දැනුම් දෙන මෙන් දන්වා සිටිමි.

Samurdhi Name List

නොවිසඳුණු ගැටළු විසදීම සදහා මහජන සේවය ගමට ගෙනයාමේ වැඩසටහන

නොවිසඳුණු ගැටළු විසදීම සදහා මහජන සේවය ගමට ගෙනයාමේ වැඩසටහනක් 2022 / 04 / 02 දින වැල්මිල්ල , හාලපිටිය , ගොඩිගමුව බටහිර , ගොඩිගමුව නැගෙනහිර වසම් කේන්ද්‍ර කර ගනිමින් වීදියගොඩ රජමහ විහාරස්ථානයේ දී පවත්වන ලදි.

මෙම වැඩසටහන

 අමාත්‍ය  විදුර වික්‍රමනායක මහතාගේ මුලිකත්වයෙන් ප්‍රාදේශීය ලේකම්තුමිය , සහකාර ප්‍රාදේශීය ලේකම්තුමිය පරිපාලන ග්‍රාම නිලධාරිතුමාගේ සහභාගීත්වයෙන් සිදුවිය.

මෙහිදී ඉඩම් ගැටළු විසඳීම , ජාතික හැදුනුම්පතත් සකස් කිරීම , සමාජ සේවා කටයුතු , රෙජිස්ට්‍රාර් අංශයේ කටයුතු සිදුවිය.

මෙම වැඩසටහන ග්‍රාම නිලධාරි වසම් 4 ග්‍රාම නිලධාරින් විසින් සංවිධානය කර තිබුණි.